KALON'NY NTAOLO
Teraka tamin'ny 22 Martsa 1902 i Fredy Rajaofera,
122 taona anio. Mpanoratra izy, mpanao gazety ary akademisiana koa. Asa
raha fantatrao fa misy lalana iray mitondra ny anarany eto Antananarivo
an-tampon-tanàna, Lalana Fredy Rajaofera, ao Faravohitra Ambondrona.
Mampanembona ny fiainana anilan'ireo havana aman-tsakaiza ny
fahalaviran-toerana. Miresadresaka momba izany ny tononkalo nosoratan'i
Fredy Rajaofera hoe KALON'NY NTAOLO, nalaina tao amin'ny Lahatsoratra
voafantina takelaka 93-94. Ny andininy fahadimy no andeha
hohalalinintsika ao anatin'ny fizarana 3. Iza ilay manembona?
Inona ny vokatry ny fahalavirana? Inona ilay fahatapahan-kevitra
hiverina hody?
Iza
ilay manembona?
Soritin'i Fredy Rajaofera eo amin'ny andalana voalohany sy faharoa fa "vahiny tsy zatra tany" izy ka "manembona tsy tamana". Eny tokoa, maro ireo antony mahatonga antsika ho mpivahiny any amin'ny toerana samihafa. Noho ny asa, andraikitra, sy ny maro tsy ho voatanisa. Rehefa any amin'ireny tanàna lavitra havana aman-tsakaiza ireny isika dia mahatsiaro fahabangana, banga an'ireo tapaka sy namana, banga an'ireo havana fa zary lasa manirery hany ka tsy tamana.
Inona ny
vokatry ny fahalavirana?
Inona ilay
fahatapahan-kevitra hiverina hody?
Azontsika rehetra sary an-tsaina ilay tantara e? Efa saika niaina izany irery an-tanin'olona izany isika ka azontsika tsara ny tao an-tsain'ilay mpanoratra rehefa namboraka io aingam-panahiny io.
Fa aleo aloha vitaina kosa izay anton-dia vao mamonjy ny akany e, na mamy aza ny mody.
(eo amin'ny takariva mahamanina)
Andininy fahadimy
Manembona tsy tamana aho, fa vahiny tsy zatra tany,
Izay rehetra taza-maso mampirotsaka tomany,
Aretin'ny olo-manina ny ahy, tsy sitrana raha tsy mody,
Avelao aho hanainga roy, fa izany no fanafody.
Fredy Rajaofera
Lahatsoratra voafantina takelaka 93-94
Date de dernière mise à jour : 17/03/2024