 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 24 Oktobra 2022
|
|
|
SAVAIVON’NY TENY MALAGASY Lahatsoratra : Pôetawebs |
 Hanatanteraka
hetsika fampivoarana ny pôeta indray ny vondrona Koloiko sy Hajaiko ny
Teniko. Hotanterahina etsy amin’ny Ivon-toeran’ny Kolontsaina
Antsahavola amin’ny 9 Novambra ho avy izao ny Savaivon’ny Teny
Malagasy. Manomboka amin’ny 8 ora maraina ny hetsika ka tsy mifarana
raha tsy amin’ny 5 ora ora hariva. Hatao an-jotra ny fisoratana anarana
ho an'izay liana ka maniry hanatrika izany. Indro ny rohy hahafahana
misoratra anarana hatramin'ny 29 Oktobra ho avy izao.
http://www.koloiko.com/stm/stm2022/tapakila.html Toy izao kosa ny lohahevitra hanamarika ny fotoana. • Velakevitra sy fampianarana mifamatotra momba ny tononkalo - Rahezarisoa Sannie : "Ny
kanto ao amin' ny tononkalo"
• Velakevitra sy
fampianarana mifameno, momba ny teny malagasy izay tsy voafehin’ny
pôeta maro- Hobiana AndrianimerinA : "Ny tononkalo - Tari-dalana ho an'izay tsy te hanoratsora-poana" - Ratsimbazafy
Heriarilala : "Ny endriky ny tsy fahafehezana ny teny malagasy mety
hanimba ny literatiora"
- Ratobihasina Viviane : "Fahadisoam-panoratana mibahan-toerana eo amin'ny haisoratra malagasy ankehitriny" Marihina fa efa tamin’ny volana Mey no nanao antso ho an’izay handefa lahatsoratra hovelabelarina ity vondrona ity. Antso nalefa tao amin’ny tranonkala koloiko.com, vondrona Koloiko sy Hajaiko ny Teniko ary nisy koa ny natao nandritra ny Konferansa Momba ny Soratra teny amin’ny Tranombokim-pirenena. Nisy ny sivana sy fantina ka ireo lohahevitra naroson’ny mpikaroka 4 mianadahy ireo no voatsonga tamin’izany. “Savaivo satria mila misavasava sy manavatsava eo amin'ny ivon'ny teny malagasy isika mba hahafahana manatsara azy”, araka ny fanazavan’i Sitraka Feno Tanteraka, tomponandraikitra ao amin’ny vondrona. Oharina amin'ny faribolana na bola ny tontolon'ny teny malagasy ka mamakivaky eo ampovoany ireo mpikirakira ny teny. Ankoatra ireo fizaram-pahalalana ireo dia hatolotra amin’io andro io ny amboara maha Mpanoratry ny taona 2019 an’i Hobiana AndrianimerinA. Izao vao afaka manao izany fanolorana ny amboara izany ny vondrona Koloiko sy Hajaiko ny Teniko noho ny tsy fahafahana namory olona nandritra ny hamehana ara-pahasalamana. Ity no andiany voalohany amin’ny STM ka antenaina fa mbola hisy ny andiany manaraka. |
|
©
Pôetawebs
|
Date de dernière mise à jour : 24/10/2022