Ny poeta raha miteny   dia mampita izay mba reny  sady saininy ombieny   amin'ny gadona avo lenta   mampitony hetaheta :  bitsik'ivan'ny poeta. (T.Ràja) 24 desambra 2017

Ilay fitia najorontsika

Feno hipoka ny IKM. Tontosa ny alahady 17 desambra teo ny tsangan-tononkalo nokarakarain'ny Vondron'ny Korira kanton'ny Haisoratra Malagasy na VKHM. Tononkalo miaro fananarana no nentin'izy ireo tamin'ity seho faharoa namoahana an-tsehatra ny sanganasan'ny mpikambana ity.

Nentina nampianohana ireo mpijery maro be nameno ny efitra tao amin'ny Ivon-toeran'ny Kolontsaina Malagasy ny karazana fitia rehetra. Ankoatra ny dingan'ny fitiavana izay manomboka amin'ny fifampiresahana voalohany ka hatrany amin'ny fanambadiana, ary koa ny fisaraham-belona sy aina, dia nahazo laka tao ny fomba fiainan'ny mpifankatia amin'ny ankapobeny mihitsy. Isan'ny nisongadina ny olana misy ao an-tokantrano, ny sedra lalovan'ny mpifankatia mialoha ny fanambadiana. Fa eo koa ireo solafaka an-dalana ka mitondra vohoka na votso-droa. Ireo rehetra ireo dia noravahan'ny feo mangan'ny tarika Green.

Marihina fa i Léa Fandresena sy JV Rajaonhson no nanentana ny fotoana. Ny filohan'ny VKHM, Ramatoa Saholy RAKOTONANAHARY, no nanolotra ny hetsika ary nanamafy fa tsy ho ela ny hetsika fahefatra ahitana ny fikambanana amin'ny taona 2018 ho avy io. Tsy vitan'ny nianoka ny kanto ireo mpijery fa mbola nahazo sokolà ihany koa teo am-pamaranana ny seho.

Tatitra sy sary: Doda Razafindravelo

 

	TSY SAROTINY Izaho tsy mba sarotiny moa koa tsy mbola tompony Fa mbola sarintsariny Satria aho miaraka aminy! F'iny "alikako" iny adala... Tsy misy izay sahala tsy dia mifidy arapaka Rahateo, ndry miandry tataka! Izaho koa tsy zatra miady F'izao akia rahavavy: Ento dia ifalio Tandrovy sy kajio Sao hisy haka indray Fa ny tany izao mahamay Foiko tsisy tambiny Tsy asiako tombatombany Tsy hangalako potiny F'izaho ho aho tsy sarotiny ! RHUJA
Rhuja sy Mahefa, anisan'ireo namelona ny tsangan-tononkalo
Nianjara Masoandro, mpikamban'ny VKHM, niantsa tononkalo	Jayah Razaf, niantsa tononkalo ary anisan'ny tompon'ny tononkalo nantsaina
	Santionan'ny sokolà nozaraina ho an'ny mpijery, maneho izany eo am-pelatanana.

 

Pôetawebs©2017 - poetawebs@gmail.com