Ny poeta raha miteny Dia mampita izay mba reny Sady saininy ombieny Amin'ny gadona avo lenta Mampitony hetaheta Bitsik'ivan'ny poeta. (T.Ràja) 18 Jolay 2015

FAHA 25 TAONA NAHAFATESAN'I REGIS RAJEMISA RAOLISON

Notanterahina teny amin'ny Akademiam-Pirenena Malagasy Tsimbazaza ny 19 jona 2015 lasa teo ny fahatsiarovana ny faha 25 taona nahafatesan'i Régis Rajemisa Raolison.

Ampatsiahivina fa izy dia mpanoratra sy pôeta izay nitondra avo ny teny malagasy tamin'ny alalan'ny haisoratra, ny famokarana boky fianarana samihafa ary indrindra ny fandalinana ny teny malagasy. Nanotrona ny fotoana ireo olo-manan-kaja maro, ny fianakaviana sy ireo mpiara-mifandrimbona eo anivon'ny teny malagasy, ny mpikambana avy ao amin'ny HAVATSA UPEM izay fikambanana naoriny ary mpianatra.

Natolotra tamin'io koa ny boky VITASOA mirakitra voambolana marobe, milanja 3,700 kg, novokarin'ireo mpikaroka ny teny malagasy nandimby ny asa fandalinana nataon'ity vatolahin'ny teny malagasy ity.

Naranty tao koa ireo boky nosoratany tamin'ny teny vahiny sy malagasy ary narahin'ny fiantsana ny tononkalony nataon'i Lalaina. Taorian'izay dia niroso tamin'ny fiaraha-miala hetaheta ny rehetra sy ny fanarahana ny horonan-tsary mirakitra ny tantaram-piainany.

Tatitra sy sary : Ikaloyna

Fialana hetaheta	Fampirantiana ny boky
Fampirantiana ny boky
Fampirantiana ny tantarany sy ny sanganasany

 

Pôetawebs©2015 - poetawebs@gmail.com Raha misy tsy mety ny votoatin'ny tranonkala dia anoraty ny tomponandraikitra.