 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 18
martsa 2021
|
|
| PÔETAWEBS
NANOLOTRA NY POETAN'NY ANIO SY OMALY |
|
| Nifamotoana
tamin'ny tranonkala Pôetawebs toy ny fanao isaky ny
alarobia fahatelon'ny volana ireo mpakafy pôezia omaly 17 martsa tao
amin'ny Tranombokim-pirenena Anosy. Maro ireo tonga teny an-toerana
saingy tsy tafiditra noho ny fepetran'ny hamehana ara-pahasalamana
voatery tsy maintsy noraisina. |
|
 |
 |
| Njaka Raonison, Talen'ny Tranombokim-pirenena |
Tsiky Rakotomavo - Pôetawebs |
Anisan'ny votoatin-tenin'ny Talen'ny Tranombokim-pirenena, Njaka Raonison, izany teo am-panombohana ny fotoana ka nanazavany koa ny antom-pisian'ny hetsika. Rehefa izany dia niroso tamin'ny fanolorana ireo mpiara-miasa aminy i Tsikimilamina Rakotomavo avy ao amin'ny Pôetawebs. Nisy tamin'ireo mpikambana no tonga avy lavitra, dia i Solotiana Nirhy-Lanto Ramamonjisoa, mpampianatra mpikaroka amin'ny sehatry ny teny sy literatiora any amin'ny INALCO Parisy. |
|
|
TAPATAPAKAHITRA
|
|
 |
Tapatapakahitra an-tsehatra
no nanohizana ny fotoana ka nahitana an'i Fafah Rakotondratsimba
nametra-panontaniana tamin'ny pôeta Nirihaja. Rehefa avy nampahatsiahy
ny mombamomba ny vahininy izy dia niroso avy hatrany tamin'ny hevitra
fonosin'ny teny filamatra hoe "pôezia... fiainako". Tsy nihambahamba i
Nirihaja nitety ny habakabaka misy azy sy ny pôezia, ny fifandraisany
aminy, ny nanombohany nanoratra, ny famaritany ny atao hoe poezia, ny
fiainany ao amin'ny Faribolana Sandratra. Amin'ny maha pôeta vehivavy azy, ary noho ny fankalazana ny andro iraisam-pirenena momba ny zon'ny vehivavy tamin'ny herinandro lasa teo, dia nanontanian'i Fafah Rakotondratsimba azy ny fahitany amin'ny ankapobeny ny toerana sy ny lanjan'ny vehivavy mpanoratra malagasy. |
| Fafah Rakotondratsimba sy Nirihaja | |
 |
Fampitahana
no nentin'i Nirihaja nanazava izany toy ny mpanoratra "taloha sy
ankehitriny", ny asa soratry ny vehivavy mitaha amin'ny an'ny lehilahy,
fitanisana ireo mpanoratra vehivavy izay vitsy mpahalala na tsy
fantatra mihitsy, ireo Amboara efa nivoaka. Marihina fa tsy
nohadinoin'i Nirihaja ny nanolotra voan-dalana ho an'ny mpanatrika
tamin'ny alalan'ny antsa tononkalo. Fanontaniana avy tamin'ny mpijery
no nentina namarana ny tapatapakahitra. Anisan'izany ny asan'ny
literatiora sy ny akony eo amin'ny mpamaky sy ny mpanoratra. Novalian'i
Nirihaja fa mila fahatsorana sy fanetren-tena ny mpanoratra raha tiany
hateza sy hipaka any amin'ny mpamaky ny asa sorany, izay asa soratra
tsy noterena. Voalazany koa fa mieritreritra ny hamoaka boky ato ho ato
izy. |
SORAPIAINANA
|
|
 |
Teo amin'ny Sorapiainana indray dia ny pôeta Clarisse
Andriamampandry Ratsifandrihamanana no nomem-boninahitra. I
Tsikimilamina avy ao amin'ny Pôetawebs aloha no nisantatra izany
tamin'ny alalan'ny famintinana izay voarakitra tao amin'ny tranonkala
Pôetawebs. Ny Dr Ny Hasina Ratsimbazafy kosa no nitanisa ireo voka-pikarohana miisa 6 momba an'i Clarisse Andriamampandry Ratsifandrihamanana teny amin'ny fampianarana ambony. Marihina fa izao firotsahan'ny Dr Ny Hasina Ratsimbazafy izao no manamarika ny fisokafan'ny Pôetawebs ao amin'izany sehatra izany. Rehefa izany dia nitondra fanampim-panazavana ny fianakaviana tamin'ny alalan'i Lisy Ratsifandrihamanana sy Lila Ratsifandrihamanana. Anisan'izany ny nilazana fa misy 30 ireo boky nosoratan'i Clarisse Andriamampandry Ratsifandrihamanana ary misy tsy mbola voatonta, 10 ireo zafikeliny, noraisina ho mpikamban'ny Akademia tamin'ny 22 aprily 1976 izy. Namaly ny fanontanian'ny mpijery ihany koa ny fianakaviana. |
| Tsiky Rakotomavo namintina ny sorapiainana |
|
 |
 |
| Lila Ratsifandrihamanana |
Lila sy Lisy Ratsifandrihamanana |
 |
 |
| Dr Ny Hasina Ratsimbazafy | Clarisse Andriamampandry
Ratsifandrihamanana |
Nijoro ho vavolombelona aloha i Nalisoa Ravalitera, momba ny fifaneraserany taminy. Nanamarika i Harilala Ranjatohery fa anisan'ireo mpianany, mpampianatra teny malagasy mantsy i Clarisse Andriamampandry Ratsifandrihamanana. Niangavy kosa ny pôeta Felana ny hanontana indray ny boky "Pitik'onja". Nanamarika ny fotoana ny fanazavana momba ny boky vaovao biografia an'i Clarisse Andriamampandry Ratsifandrihamanana, izay novolavolain'ireo zanany. |
|
 |
 |
| Nalisoa Ravalitera | Harilala Ranjatohery |
Teny antsefantsefan'ny fotoana no nahafahana nianoka ireo tononkalon'i Clarisse Andriamampandry Ratsifandrihamanana ary nankafizana hira roa fantatry ny maro kanefa an'ity pôeta andrarezina ity ny tonony: "Homeko lalana" sy "Fa inoko ianao no antsoiko". |
|
 |
 |
| "Fa inoko ianao no antsoiko" |
Antsa tononkalo |
 |
 |
| Mpianatra anisan'ny nanontany an'i Nirihaja |
|
| Nofaranana
tamin'ny hiran'ny tarika Ramaroson Wilson izay nindrana ny tononkalon'i
Dox hoe "Ny hirako" ny fotoana. Gaspard, mpitendry zavamanenon'ny FJKM
Isotry Fitiavana no anisan'ny nanafana ny fotoana hatrany am-boalohany. Fisaorana mitafotafo no natolotr'i Tsikimilamina Rakotomavo ireo mpanatrika nameno ny efitrano Dox. Nanome fotoana azy ireo indray izy amin'ny alarobia faha 21 aprily 2021. Tatitra : Toetra Ràja Sary : Riambola Mitia |
|
| © Pôetawebs |