Faribolana Sandratra - Sakoroka avrily 2010
  |
Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.Ràja
01 mey 2010 |
 |
FIAROVANA SANGANASA "Tsy azo adika na alain-tahaka raha tsy mahazo lalana avy amin'ny Pôetawebs fa voararan'ny lalàna 94-036 ny 18 septambra 1995 mikasika ny zon'ny mpamorona sy ny mpanakanto". |
  Araka ny taratasy voaray tamin'i MAHEFA, izay tompon'antoka tamin'ny fety, dia tontosa soa aman-tsara ny SAKOROKA tamin'ny alarobia 28 aprily 2010 teo. Nizotra araky ny nieritreretana azy na ny seho na ny haingon-tsehatra. Ny hany azo kianina kely dia ireo olona maro nanatrika tsy afa-po noho ny haterin'ny toerana ka voatery tany an-dalantsara no nianoka ny akony.Porofo izao fa velom-bolo sy miha-mahazo aina tokoa ny poezia malagasy. Hatramin'ny fiandohan'ny taona dia tsy tapaka ny Mpiray Faribolana no mamory ireo mpakafy poezia ao amin'ny C.G.M. isaky ny alarobia fahefatry ny volana. Vory lanona hatrany ny mpijery ary samy mianoka ny anjara niriny. Azonao vakiana ny tononkalo iray nantsaina tamin'io fotoana io : Firaisana voalohany Indreto misy sary vitsivitsy notsongaina tamin'izany fety izany.  Hiboka tokoa ny efitrano ary betsaka ny nianoka teo ampitsanganana sy tany an-dalatsara.  Tsikaritra tao i Hajaina, Filoha mpanampin'ny Havatsa Upem.  Izy mirahalahy miara miantsa  Mianoka tokoa ny mpijery. Misy ihany anefa ny mitakoritsika.  Miovaova ny fanamiana; marevaka ny haingon-tsehatra Haverina ao amin'ny CEMDELAC Analakely ny Sakoroka tetsy amin'ny CGM ny zoma 11 jona ho avy izao. Tongava maro !
___________________ Nangonin'i Toetra Ràja |
| poeta©2009 - poetawebs@gmail.com Raha misy mahatafintohina ny votoatin'ny tranonkala dia anoraty ny tomponandraikitra anamboarana ny tsy mety |