 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 30 Aogositra 2022
|
|
| Lahatsoratra : Faniry Ezeckiel |
 SEHO AN-TSEHATRY NY FARIBOLANA SANDRATRA BETAFO |
 Hampianoka antsa tononkalo
ho an'ireo mpankafy ao amin'ny Dobo'Art Ampatana ny Faribolana
Sandratra sampana Betafo ny sabotsy 03 Septambra 2022 ho avy izao,
hanomboka amin'ny roa ora tolaka andro. Pôeta manodidina ny 10 eo ho eo
no haneho ny sanganasany amin'io fotoana io. Hisy mpiraifaribolana avy
amin'ny sampana hafa ihany koa hanatevina ity hetsika ity.
VOLAMBITA no anarana finidin'izy ireo hampisalorana ity seho
an-tsehatra ity. Fiantsoan'ny Ntaolo fahiny ny volana an'elanelan'ny
Septambra sy Oktobra eo ho eo ny Volambita. Taorian'ny Antsa ho an'ny Fireneko sy ny Fanah'Ainga Lavitra dia seho an-tsehatra fanintelony hotontosaina tao anatin'izay dimy volana nijoroany izay ity VOLAMBITA ity. Tiana ny mampahatsiahy fa toerana efa nifampizarany aingampanahy ny Dobo'Art nandritra ny alin'ny 26 Jona 2022, niangaliana ny "Afonangatra", ka tsy vahiny loatra ho an'ireo mpilomano anaty soratra. Araka izany, tsapa ho miroborobo ny sahan'ny literatiora any amin'ny faritra Vakinankaratra any. |
|
©
Pôetawebs
|