 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 28 Aogositra 2022
|
|
|
PÔETAWEBS SY NY FIKAONAN-DOHA TAO AMIN'NY ENS Tatitra : Pôetawebs |
 Notanterahina
tao amin'ny ENS Ampefiloha ny 25 sy 26 Aogositra 2022 teo ny
fikaonandoha iraisam-pirenena momba ny literatiora ho fahatsiarovana
ireo namana mpiara-miasa: Désiré Andriamiadamanana Ranaivosoa
(1949-2015) sy Anatolie Raharimalala Raharinjanahary (1949-2017) ary
Seth Andriamanatsilavo (1943 -2020). "MBA HO TANTARAN’NY LITERATIORA MAMPIATY NY LITERATIORA MALAGASY" no lohatenin'ity fikaonan-doha ity ka nanatanterahana famelabelaran-kevitra miisa 78 araka ireto tezan-kevitra 10 ireto: 1. Haifampianarana literatiora 2. Literatioram-paritra sy ny literatioram-pirenena 3. Ny anjara toeran’ireo fitaovana fampitam-baovao eo amin’ny fananganana ny tantaran’ny literatiora sy ny fitahirizana ny literatiora malagasy 4. Ny literatiora sy ny olana momba ny fandikana teny 5. Ny literatiora malagasy sy ny tsikera literera 6. Ny hira sy ny literatiora 7. Ny tantara ao amin’ny tantaraforonina malagasy 8. Ny literatiora ho an’ny ankizy sy ny tanora eto Madagasikara 9. Ny literatiora sy ny fampandrosoana 10. Ny famoronana asasoratra malagasy amin’izao vanimpotoanan’ny nomerika izao Ireto avy ny lohatenin'ireo velakevitra nandraisan'ny Pôetawebs anjara tamin'ny zoma 26 Aogositra: - "Ny endri-pikajiana ny haisoratra malagasy ao amin'ny tranonkala Pôetawebs", Tsikimilamina Rakotomavo sy Toetra Ràja (Toetra Rajaonarivony) - "Literatiora malagasy : ilo sy ivon'ny fampandrosoana", Tsikimilamina Rakotomavo sy Toetra Ràja (Toetra Rajaonarivony) - "Ramambason (1909-2001) : Mpanoratra anjorom-bala", Solotiana Nirhy-Lanto Ramamonjisoa Mpikamban'ny Pôetawebs telo no anisan'ireo tao amin'ny komity siantifika sy mpanomana: Tsikimilamina Rakotomavo, Solotiana Nirhy-Lanto Ramamonjisoa ary ny Pr Narivelo Rajaonarimanana. Namintina ny tantaram-piainan'ireo mpampianatra telo nankalazaina i Tsikimilamina Rakotomavo ary niantoka tanteraka ny fandrafetana sy famolavolana izany. Nisy ny fifandimbiasam-pitenenana teny am-piandohan'ny fotoana tamin'ny alakamisy 25 Aogositra, ka nahitana ireo mpitantana eo anivon'ny sekoly ambaratonga ambony maro, niampy ny solotenan'ny Ministeran'ny Fampianarana ambony sy fikarohana ara-tsiansa ary ny Ministeran'ny Serasera sy ny Kolontsaina, mialoha ny fanomezam-boninahitra ireo mpampianatra telo voalaza tetsy ambony. Nandimby izany ny velakevitra anankiroa natao ho fitokanana izany fotoana izany : - "Ny rafi-pisainana iorenana sy aorian’ny asa soratr’i E.D. Andriamalala (1918-1979) : tarafina amin’ny olona fototry ny tantara foronina nosoratany", notontosain-dRatrema William Mpampianatra sy Mpanabe - "Fiaraha-miaina sy tontolo filamatra vokarin’ny lahateny kantoina ny hira sy ny tonon-kalo fohin’ny ankehitriny", notontosain'i Serge Rodin Mpampianatra Mpikaroka, Akademisiana. Loabary an-dasy sy fehin-kevitra no namarana ny fotoana ny zoma hariva. Nanakatona ny fikaonan-doha tamin'ny fomba ofisialy kosa ny Tale Jeneralin'ny Tranombokim-pirenena. Rohin'ny vidéo tamin'ny velakevitra nandraisan'ny Pôetawebs anjara (tezan-kevitra fahatelo) https://www.youtube.com/watch?v=x8fOwMu88pA Rohin'ny vidéo tamin'ny velakevitra nandraisan'ny Pôetawebs anjara (tezan-kevitra fahasivy) https://www.youtube.com/watch?v=Km0olxoe8eQ&t=21s Rohin'ny vidéo tamin'ny velakevitra nandraisan'ny revio Tsara Soratra anjara: "Les E-book malgaches - l’expérience de Ranjasoa Publishing et du magazine Tsara soratra." https://www.soratra.org/malaza/2022/8/26/famelabelarana-nataoni-mialy-ravelomanana |
 |
 |
| Tezan-kevitra
fahatelo ny zoma maraina |
Tezan-kevitra fahasivy, zoma
hariva |
 |
 |
| Solotiana
Nirhy-Lanto Ramamonjisoa teo amin'ny fitantanana ny andiam-belakevitra
faha-15 |
Ny
Pr Narivelo Rajaonarimanana, nanaraka akaiky ny velakevitra fahasivin'i
Tsikimilamina Rakotomavo sy i Toetra Rajaonarivony |
 |
 |
| Fafana
fanomezam-boninahitra an-dRtoa Raharinjanahary Lala |
Fafana fanomezam-boninahitra an'Atoa Andriamanatsilavo Seth |
 |
 |
| Fafana
fanomezam-boninahitra an'Atoa Ranaivosoa Andriamiadamanana Désiré |
Ny
Pr Narivelo Rajaonarimanana, nandray fitenenana tamin'ny loabary an-dasy |
 |
 |
| Rakotoson
Michèle, Mpanoratra nitondra ny "État des lieux de la jeune création littéraire actuelle" |
Ireo
namaly ny fanontanian'ny mpanatrika tamin'ny andiam-belakevitra faha-18
nahitana an'i Tsikimilamina Rakotomavo |
 |
 |
| Tafan'ny mpanoratra sy mpitantana tranombokim-pirenena | Tale
Jeneralin'ny Tranombokim-pirenena nanakatona ny fikaonan-doha tamin'ny
fomba ofisialy |
 |
|
| Lanonam-panokafana.
Miankavanana : Filohan'ny Akademia, Lehiben'ny Sampandraharaha misahana ny teny sy ny Soratra, Rtoa Talen'ny fampiroboroboana ny teny malagasy, Tale Jeneralin'ny Tranombokim-pirenena, Atoa Tale Jeneraly eo anivon'ny Minisiteran'ny Fampianarana ambony sy fikarohana ara-tsiansa |
|
|
©
Pôetawebs
|
Date de dernière mise à jour : 07/09/2022