Ny poeta raha miteny   dia mampita izay mba reny  sady saininy ombieny   amin'ny gadona avo lenta   mampitony hetaheta :  bitsik'ivan'ny poeta. (T.Ràja) 17 Desambra 2015

"AINGA MANAINGA", antsan-tononkalon'i VINA

I Vina indray no naneho ny kanton'ny tononkalony tetsy amin'ny CEMDLAC Analakely ny zoma 11 desambra 2015 lasa teo.

Rehefa avy nosokafan'ny solontenan'ny CEMDLAC mpampiantrano ny fotoana dia novakiana ny teny fanolorana nosoratan'i Narilala sy ny sasinteny nataon'i Zo Maminirina tao amin'ny boky.

Taorian'izany dia  niroso tamin'ny fiantsana tononkalo i Vina, Narilala, Idealy, Elegie, Faly Mamiratra, Rima, Fana 'Hitia Sento ary i Tiana Miandrisoa.

Amin'ny mahatanora azy dia tononkalom-pitiavana nefa naseho amin'ny endrika somary hatsikana tao anaty boky no nantsaina.

Nitendry ny feon-kira lafika sy nihira i Avotra ary nanampy koa ny tarika Fandio. Nanentana ny fotoana kosa i Mbolaranto.

Nofaranana tamin'ny resadresaky ny mpankafy ny fotoana.
 

Vina	Mbolaranto (mpanolotra)
Narilala Ravakinoro	Elégie
Rima	Fana 'Hitia Sento
Faly Mamiratra	Tiana Miandrisoa
	Tarika Fandio
Avotra (Mozika lafika sy hira)

Pôetawebs©2015 - poetawebs@gmail.com