 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 31 Desambra 2021
|
|
| Tatitra :
Toetra Ràja |
| FANOLORANA NY BOKY SORAPIAINANA-2 SY
SORAPIAINANA-3 |
| Poa-droa
ny an'ny Pôetawebs tamin'ny 15 desambra 2021 teo, tao anatin'ny hetsika
PÔETAWEBS MISEHATRA fanao isaky ny alarobia fahatelon'ny volana.
Niaraka natolotra ampahibemaso tamin'io andro io mantsy ny boky
anankiroa, boky mirakitra ny tantarana pôeta 20 antsoina hoe
Sorapiainana-2 sy Sorapiainana-3. Efa hatramin'ny febroary 2021 no nahalalana ny hetsika PÔETAWEBS MISEHATRA kanefa ity fahafito ity dia niavaka tamin'ny mahazatra satria endrika fety aman-danonana no nanehoana azy. Nisantatra ny lanonana i Nini ao amin'ny tarika Kiaka tamin'ny famelomana an-kira ny tononkalon'i Dox hoe "Ny hirako". Novelomin-dRalanto an-kira koa teny an-tsefatsefan'ny fotoana ireo tononkalo diso fantatry ny maro toy ny "Raha ho avy ianao" an-dRatsimba Georges sy ny "Veloma soa" an'i Samüel Randria. Nianoka an'ireo tononkalo nampalaza an'ireo pôeta tafiditra tao amin'ireto boky anankiroa ireto koa ny mpijery. Niantsa ny tononkalo "Zon'ny teniko" i Anjoanina zafikelin'i Gilbert Rakotomavo; "Etsetra etsetra" kosa ny an'i Saroy zanak'i Solofo José; "Tarigetran'ialahy" ny an'i Dô Rabesaiky rahalahin'i Om-Gui...  Tafavoaka
ny efitranony ny tranonkala Pôetawebs, hoy i Tsikimilamina Rakotomavo,
mpandrindra ny Pôetawebs, fa tsy voafefin'ny rindriny intsony satria
natonta ho boky ny voka-pikarohana sorapiainana ary mifanatrika
mivantana an-tsehatra amin'ireo mpiserany ny tranonkala.Niloa-bava kosa i Sahondra Andriamihamina, talen'ny Arsivam--pirenena nanao ny sasin-tenin'ny boky Sorapiainana-2, momba ny halalin'ny fikarohana sy ny fandalinana tao amin'ny tranonkala sy ny boky. Tafiditra ao anatin'ny fikambanana lehibe mivoy sy manandratra ny literatiora malagasy, hoy izy, ny Pôetawebs. Nanamafy ny maha pôeta an'i Joseph Andrianaivoravelona ny zafikeliny Razakandriantsilavo ary nanazava ny fomba fifandraisany tamin'ny Pôetawebs ka nifampizarana tahirin-kevitra. Ny Talen'ny Kabinetra eo anivon'ny Ministeran'ny Serasera sy ny Kolontsaina no namarana ny lahateny nandritra ny sehatra tao amin'ny efitrano David Jaomanoro, fotoana voafehin'ny Tonian-danonana, Vetson'ny Fanahy, tao anatin'ny 85 minitra. Mampiombona ny pôeta sy ny taranaka pôeta ity hetsika ity satria saika nahitana solontena avy ireo taranaka pôeta 20 voakasik'ireo boky roa ireo, miampy ireo nandray anjara tamin'ny hetsika "Pôetawebs misehatra" hatramin'ny febroary 2021 nanombohana azy. Namela rango-tsoratra tao amin'ny boky volamena izy ireo ka anisany ry Tsitohery Raolona sy Riambola Mitia avy ao amin'ny Faribolana Sandratra. Nanatrika hatramin'ny faran'ny fotoana i Lala Rakotoson Raolisoa Agnès sy Ranjatohery Harilala avy ao amin'ny Havàtsa-Upem. Hafa mihitsy araka izany ny fomba namaranana ny fotoana izay nihaonan'ny taranaka pôeta 20 sy ireo nahazo fanasana tamin'ny kokitelina tao amin'ny efitrano Dox. Mbola nitohy tamin'izany mantsy ny fandraisam-pitenenana izay nosantarin'ny Solombavambahoaka Andriamiakatrarivo Pierrot. Nifandimbiasana ny sehatra ka niavaka ny fiantsana ny tononkalon'i Dox nataon'ny zanany Elie Ramasindraibe Salomon, ny ritsoka mahatsikaikin'i Enjana, ny feo mangan'ny tarika Brawd BeatBox.  Ny tranonkala Pôetawebs dia manolotra fisaorana ireo taranaka navelan'ny pôeta 20 nanoina ny antso tamin'ny famoahana ampahibemaso ny boky Sorapiainana 2 sy ny boky Sorapiainana 3. Isaorana ihany koa ireo izay nanohana tamin'ny fanatontosana ny boky. Ao ireo nanao sasin-teny, ireo mpanakanto nanafana ny lanonana, ireo mpanatrika, mpankafy, mpanaraka tsy tapaka ny fandalinana notontosaina. Tsy hay hadinoina ireo mpiara-miasa : Vohitravo, CROIMA, Cabinet Médical MAHATSARA, ny quinquaillerie MAHAVANTANA, izay nifanolo-tanana tamin'ny fandavorariana rehetra. Ankasitrahana manokana: - ny Solombavambahoaka
Andriamiakatrarivo Pierrot sy Razaiharimalala Fiainantsoa
- ny Talen'ny Kabinetra eo anivon'ny Ministeran'ny Serasera sy ny Kolontsaina - ny Talen'ny Arsivam-pirenena - ny filoha lefitry ny sokajy 1, Haikanto sy Hailaza eo aniveon'ny Akademiam-pirenena malagasy - ny solontenan'ny taranaka, Razakandriantsilavo - ireo mpanao gazety - ny mpanakanto Nini (Tarika Kiaka), Ralanto, Brawd BeatBox, Enjana Marihina fa ny boky Sorapiainana-1, Sorapiainana-2 ary Sorapiainana-3 dia hita ao amin'ny librairie Md-Paoly Analakely. |
 |
 |
| Vetson'ny Fanahy, Tonian-danonana Pôetawebs |
Ralanto, nanafana ny lanonana tamin'ny
fihirana ny tononkalon'ny pôeta |
 |
 |
| Nisantatra ny hira i Nini
(tarika Kiaka) tamin'ny tononkalon'i Dox "Ny hirako" |
Saroy, zanak'i
Solofo José sy Lydiary niantsa ny "Etsetra etsetra", tononkalon-drainy
|
 |
 |
| Ambinintsoa, zafikelin'i Bolespara,
niantsa ny "Mahaiza misaotra" |
Anjoanina, zafikelin'i Gilbert Rakotomavo,
niantsa ny "Zon'ny teniko" |
 |
 |
| Zafikelin'i R. Rajemisa-Raolison, niantsa ny "Idada sy Ineny" |
Do Rabesaiky, rahalahin'i Om-Gui niantsa ny "Tarigetran'ialahy" |
 |
 |
| Andrianaivoravelona
Razakandriantsilavo, nisolo tena ny taranaka pôeta |
Talen'ny Arsivam-pirenena |
 |
 |
| Ireo nahazo fanasana
manokana, napetraka mialoha teo anoloana |
Talen'ny Kabinetra eo anivon'ny Ministeran'ny Serasera sy ny Kolontsaina |
 |
|
| Ireo
fianakavian'ny pôeta teo amin'ny ilany ankavanan'ny efitrano David
Jaomanoro. Eo amin'ny laharana faharoa no ahitana ny fianakavian'i R.
Rajemisa-Raolison ka faharoa avy any amin'ny sisiny farany indrindra i
Lala Rakotoson Raolisoa Agnès nodimandry tamin'ny 30 Desambra |
|
 |
|
| Fianakavian'ny pôetan'ny Sorapiainana-2 |
|
 |
|
| Fianakavian'ny pôetan'ny Sorapiainana-3.
Eo ankavanana ny Pôetawebs |
|
 |
|
| Ireo nahazo fanasana manokana sy
nanokanana toerana mialohan'ny fotoana
|
|
 |
 |
| Solombavambahoaka
Andriamiakatrarivo Pierrot sy ireo manam-pahefana, mialoha ny sakafo |
Elie Ramasindraibe Salomon (zanak'i Dox) sy ny fianakaviany, miantsa ny
tononkalon-drainy |
 |
 |
| Brawd BeatBox | Enjana |
RANGO-TSIARO TAMIN'NY BOKY VOLAMENA |
|
 |
 |
| Rakotomalala Moïse, zanak'i G.R.G. |
Ny pôeta Ramarolahy |
 |
 |
| Aina Randria, zanak'i Samüel Randria |
Taranak'i Bolespara |
TEO AMIN'NY SAKAFO |
|
 |
|
 |
|
 |
 |
| Sahondra
Andriamihamina sy Tsikimilamina Rakotomavo |
RHA Nary sy Elie Ramasindraibe Salomon |
|
©
Pôetawebs
|
Date de dernière mise à jour : 03/01/2022
