Hetsika Tantely amam-bolana
Sehatra - 28/11/2023
HETSIKA TANTELY AMAM-BOLANA
Tontosa
ny sabotsy 25 Novambra 2023 lasa teo ny famoahana ny boky TANTELY
AMAM-BOLANA. Tsangambatom-pahatsiarovana ny fahafolo taona
nilomanosan'i Faniry Ezeckiel tao anaty literatiora sady nankalazana ny
tsingerin-taona nahaterahany omalin'io hetsika io ity boky vaovao ity
.Teo ambany fiahian'ny fitaleavam-paritry ny kolontsaina ao
Vakinankaratra ny seho ary ny Faribolana Sandratra sampana Betafo no
niara-nisalahy tamin'ny fandavorariana ny fotoana rehetra.
Fanokafana
Nosokafan'ny talem-paritry kolontsaina eto Vakinankaratra, Rakotosolofo Serge tamin'ny fomba ofisialy ny hetsika raha vao nigadona ny tamin'ny roa ora tolaka andro. Nambarany tamin'izany fa dingana lehibe ny fahavitana boky tahaka izao ary nirary ireo zandry hanaraka izany koa ny tenany.
Teny
fanolorona sy ny sorapiainana
Nitohy tamin'ny famakiana ny teny fanolorona sy ny sorapiainana ny fotoana.Tsy afaka nanatrika izany ny poeta Toetra Ràja (nanolotra ny boky) sy ny mpanoratra Fetra Azazel (nanao ny Sorapiainana) noho ny halaviran-toerana ka ny mpanoratra isany Solomon Rakotonirina sy i Fo Mitahiry Fitia no namaky izany.
Tononkalo
sy velakevitra ary fifampizarana
Nialoha ny teny fisaorana, nomena sehatra nifampizarana aingam-panahy ireo solon-tenan'ny fikambanana mpanoratra nanoina ny fanasana. Nanakatona ny fotoana ny lehiben'ny sampan-draharahan'ny Kolontsaina any Vakinankaratra.
Tiana ny manamarika fa nelanelanin'ireo mpanan-talenta avy amin'ny Faribolana Sandratra Betafo vazo sy fahakingan-tsaina izany rehetra izany. Nanentana ny fotoana manontolo kosa i Ni Avatsa Andriamanalina. Teo am-baravaran'ny efitrano nandraisana ny lanonana kosa no naranty ny boky TANTELY AMAM-BOLANA.
Maro ireo sokajin'olona tonga nanome hasina ity famoahan'i Faniry Ezeckiel ny boky TANTELY AMAM-BOLANA ity: Poeta sy mpanoratra, mpanabe, mpianatra, olon-dehibe sy tanora maro, mpankafy...
Velona sy miroborobo fatratra ny tontolon'ny fanoratana aty amin'ny faritra Vakinankaratra ary antenaina hahatety ny vanim-potoana ireny tahirin-tsoratry ny mpiangaly literatiora ireny.
 |
| FaniryEzeckiel
notronin'ireo ray aman-dreniny |
|
|
| FaniryEzeckiel sy Ni Avatsa |
|
|
| FaniryEzeckiel sy Yanala (Faribolana
Sandratra Betafo) |
|
|
| Yanala
sy Bitsika Fanahi, nandranty ny boky |
|
|
| Hiaka
Mikalo sy Yanala
nampiara-peo |
|
|
| FaniryEzeckiel
niantsa tononkalo |
|
|
| Ireo
Faribolana Sandratra Betafo niaraka tamin'ny mpijery |
|
|
| Faribolana
Sandratra Betafo |
|
|
| Ireo
efatra mirahalahy nanorina sy nanodina voalohany ny Faribolana
Sandratra Betafo : Ny
Avo Elabakaka, Faniry Ezeckiel, Fo Mitahiry Fitia, Ni Avatsa |
|
|
| Ireo mpijery |
Nandrindra ny takelaka : Toetra Ràja