POETAWEBS TAO AN- TOKOTANY BE!
Mpianatra
anarivony no nitsidika ny tahala nisy ny Poetawebs nandritra ny hetsika
Tokotany be nokarakarain'ny Minisiteran'ny Serasera sy ny Kolontsaina
teny amin'ny lapan'ny Kolontsaina sy ny fanatanjahan-tena Mahamasina
tamin'ny 18-19-20 Avrily 2024.
Tsy azo dinganina eo amin'ny Sehatry ny indostria koltoraly sy ny
famoronana ny tontolon'ny virtoaly izay isongadinan'ny Poetawebs. Na
izany aza anefa dia mampivohitra ny vokatra azo tsapain-tanana
izy amin'ny alalan'ny boky sorapiainana telo izay efa napariaka.
Ranty sy varo-boky, fandefasana tahirin-kevitra an-tsary momba ny
Poetawebs no nampiavaka an'izany seho imaso izany ka nandraisan'ny
tranonkala anjara ny alakamisy 18 Avrily. Santatry ny
fanamarihana ny faha-15 taonan'ny Poetawebs no antom-pisian'izao
fandraisana anjaran'ny tranonkala izao. Sokajin'olona samihafa nanana
ny toerany eto amin'ny firenena no nitsidika izany tahala izany.
