 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T. Ràja
|
 |
"Tsy azo adika na alain-tahaka raha tsy mahazo lalana avy amin'ny Pôetawebs fa voararan'ny lalàna 94-036 ny 18 septambra 1995 mikasika ny zon'ny mpamorona sy ny mpanakanto".
29/08/2021
|
|
| IVOKOLO : SEHATRA ISONGADINAN'NY KANTO |
Toerana miavaka, nohavaozina no iseharan'ireo mpikanto manomboka izao. Fotodrafitrasa vaovao IVOKOLO iantsorohan'ny Ministeran'ny Serasera sy ny Kolontsaina (MSK) mantsy no notokanana tetsy Analakely ny zoma 27 Aogositra 2021. Toerana fampirantiana, fiseharana, ary toeram-panoroana ireo fivarotam-boky tokony hanjifana izany no hita ao amin'ny IVOKOLO. Hahazo tombon-dahiny avokoa ireo liana hanatanteraka hetsika ara-kolontsaina indrindra ny tontolon'ny zavakanto vita amin'ny teny toy ny antsa tononkalo, teatra, slam, sns. Ankoatra ny olom-panjakana dia maro ireo fikambanana literatiora nanotrona ity fotoana ity. Tsy diso anjara ny pôeta izay niantsa tononkalo tao anatin'ny seho kanto an-tsehatra. Antenaina ny fanajan'ny rehetra izany sehatra izany mba hisongadinan'ny zavakanto. Toetra Ràja
|
 |
| Ny pôeta Tsiky Rakotomavo, Tonian-danonana eo anivon'ny MSK |
 |
| Santionana pôeta nanatrika ny fitokanana |
| © Pôetawebs |
Nandrindra ny takelaka : Toetra Ràja