 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 23 Septambra 2022
|
|
|
SEHOKAROKA MOMBA NY TONONKALO SY NY TORITENY Lahatsoratra : Toetra Ràja |
 Andro
lehibe ho an'ny tononkalo sy ny toriteny ary ny fampianarana ambony ny
tao amin'ny Fakiolten'ny teôlôjia Ambatonakanga ny 22 Septambra
2022. Nanohana ny sanganasany nahazoana ny diplaoma "Maîtrise en
théologie" tao mantsy ny pôeta Rianaly na Randrianalidera Radoniriana
Robin, ary antsoin'ireo akaiky azy hoe Pasitera Rado.23 taona ankehitriny no maha mpitandrina azy ao amin'ny F.J.K.M. (Fiangonan'i Jesoa Kristy eto Madagasikara). Amin'ny maha pôeta azy indray dia miroboka lalina ao amin'ny tontolon'ny pôezia izy ka nahatonga azy hiroso amin'ny sehokaroka mitondra ny lohateny "Haikanto ny toriteny araka ny tononkalon'i Rado tsongaina tao amin'ny: Dinitra - Zo - Sedra - Voninkazo adaladala - Hiram-bavaka". Niray feo ireo vondron'ny mpitsara fa mitaha lavitra amin'ny lentan'ny mari-pahaizana ambony ity sehokaroka ity ka niombonana ny fanomezana isa mifandraika amin'ny sokajy Tena tsara. Havanana sy mahafehy ny tontolon'ny teôlôjia sy ny literatiora avokoa ireo tazana teo anivon'ny vondron'ny mpitsara. |
| Filoha
: Mpitarika : Mpitsara 1 : Mpitsara 2 : |
Dr
Ramambason William, Mpitandrina Dr Randriamampionona Alfred, Mpitandrina Dr Rakotomavo Tokiharimanitra Tsikimilamina, Mpampianatra literatiora Dr Irako Andriamahazosoa Ammi, Mpitandrina |
Nanamarika ny sojaben'ny fakiolten'ny teôlôjia sady filohan'ny vondron'ny mpitsara fa "tena hafa ity fanohanana ity satria nafonja be sy avo lenta ary tena siantifika". Nahatalanjona ny lanjan'ny fifanakalozana nandritra ny ady hevitra naharitra. Noho izany indrindra no nahatonga ny filoha nandroso filantoana kely teo anivon'ny fifandimbiasam-pitenenana ka nanontaniany ny Pasitera Rado raha mpanoratra tokoa izy. Nanamafy ny maha pôeta azy i Rianaly. Niangavy famoronana mivantana sy am-pahibemaso àry ny filoha. Teraka teo am-panadinana ny aingam-panahiny nampihetsi-po ny mpanatrika. Nambaran'ny mpitsara 1 fa "miankina betsaka amin'ny feo sy ny teny izay ambara no mahalavorary ny toriteny. Nanamafy izany ny mpitsara 2 tamin'ny alalan'ny tolo-kevitra momba ny tokony hijerena ny tombontsoa azo amin'ny fampiasana tononkalo amin'ny toriteny. Nahitsy kosa ny mpitarika tamin'ny filazana fa haikanto ny toriteny ary mifototra amin'ny Soratra Masina. Raha atao indraim-bava ny atin'ny sehokaroka natontan'i Rianaly ho boky dia ahitana fizarana telo: 1. Tontolon'i Rado
2. Haikanto ny toriteny Kristiana tarafina amin'ny tononkalo 3. Andran-toriteny Kristiana Nanolotra io boky io ho an'ny mpianadahy taranak'i Rado i Rianaly. Nanolotra ny bokin'i Rado ho an'ity toeram-panomanana ho mpitandrina ity ihany koa ny taranany. Ankoatra ny taranak'i Rado, nanatrika ny fotoana ny mpanoratra, mpikabary, mpitandrina, diakona avy ao amin'ny F.J.K.M. Ambohitrabiby izay itandreman'ny Pasitera Rado, mpampianatra toa an'i Nirhy-Lanto Ramamonjisoa, maître de conférence INALCO, sady mpikamban'ny Pôetawebs. |
|
 |
 |
| Filoha,
Dr Ramambason William |
Mpitarika,
Dr Randriamampionona Alfred |
 |
 |
| Mpitsara 1, Dr Rakotomavo Tokiharimanitra
Tsikimilamina (ankavia) sy ny Mpitsara 2, Dr Irako Andriamahazosoa Ammi
(ankavanana) |
Ireo taranaka nanolotra ny bokin'i Rado ho an'ny toeram-panomanana ho mpitandrina |
 |
 |
| Rianaly
nanolotra ny sehokaroka ho an'ny taranak'i Rado |
Fonon'ny
boky sehokaroka |
|
©
Pôetawebs
|
Date de dernière mise à jour : 27/09/2022
