| PÔETAWEBS | "Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto" 23 septambra 2019 |
||
 |
Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.Ràja |
 |
|
| POA-TSATROKA HO AN'I J.
NALISOA RAVALITERA |
|
|
Poa-tsatroka
no namaranan'ny Faribolana Sandratra ny ivon'ny fankalazana ny
fahatelopolo taonany teny amin'ny Tranombokim-pirenena Anosy, efitrano
Dox, ny sabotsy 21 septambra 2019 teo. Taorian'ny teny fiarahabana nataon'i Felana dia nampahafantarina tamin'ny alalan'ny raki-peo ny mombamomba an'i J. Nalisoa Ravalitera. Nanohy ny fandraisam-pitenenana i Ranoe, Mpandrindra Nasionaly Faribolana Sandratra. Indroa miantoana kosa ny fijoroana vavolombelona ka ny voalohany dia nosahanin-dRtoa Lisy Ravalitera, ny avy ao amin'ny Faribolana Sandratra ary ny avy ao amin'ny Akademia Malagasy. Teo anivon'ny fotoana no nampita ny tenin'ny Minisitry ny Serasera sy ny Kolontsaina ny Talen'ny Kabinetrany izay nisolo tena azy rahateo. Nohazavainy tamin'izany ny antom-pisian'ny poa-tsatroka izay fanomezan-kaja "hita maso" atolotry ny Ministera misahana ny Kolontsaina ho an'ny mpanoratra zoky nahavita be teo amin'ny tontolon'ny haisoratra. |
 |
| J. Nalisoa Ravalitera |
|
| Rehefa
avy nisaotra an'i J. Nalisoa Ravalitera tamin'ireo zava-bitany sy
namarana ny kabary ny Talen'ny Kabinetran'ny Ministera dia nanolotra ny
mari-pankasitrahana ho azy. Mbola izy koa no nanolotra tamin'ny fomba
ofisialy ho tsangambaton'ny poa-tsatroka ireo boky roa nosoratan'izany
mpanoratra nahavita be izany : - MAVANA, amboaran-tononkalo - AMBONY RAHONA, riankalo Anjaran'i J. Nalisoa Ravalitera indray avy eo no nandray fitenenana, narahin'ny fijoroana vavolombelona andiany faharoa, nataon'ireo avy amin'ny FI.MPI.MA, Havàtsa-Upem, Tily, Chorale Ambohitantely, Akademia Malagasy. Hira nataon'i Fangia Kalo Gasy sy i Narisoa ary fiantsan'ny Mpiraifaribolana ny tononkalon'i J. Nalisoa Ravalitera no nandravahana ny fotoana. Sary : Tsikimilamina Rakotomavo |
|
 |
|
| J. Nalisoa Ravalitera sy ny Talen'ny
Kabinetran'ny Ministeran'ny Serasera sy ny Kolontsaina |
|
 |
|
| Ny Talen'ny Kabinetran'ny Ministeran'ny Serasera sy ny Kolontsaina | |
 |
|
| I J. Nalisoa Ravalitera teto no nikabary ary
nampihetsi-po ireo olo-manan-kaja
avy ao amin'ny Ministeran'ny Serasera sy ny Kolontsaina, ny
fianakaviany, ny
Mpiraifaribolana Sandratra... |
|
 |
|
| Tarika Fangia Kologasy niaka-tsehatra |
|
 |
|
| Ny feomangan'i Narisoa | |
 |
|
| J. Nalisoa Ravalitera tety am-pitoerana
manaraka tsara ny fijoroana vavolombelona |
|
 |
|
|
poetawebs@gmail.com
|
Date de dernière mise à jour : 23/09/2019