 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 21
martsa 2021
|
|
| ANDRO
MANERAN-TANY HO AN'NY PÔEZIA |
|
Notapahin'ny Firenena Mikambana (ONU) tao Parisy tamin'ny ôktôbra 1999 ho andro maneran-tany ho an'ny pôezia ny 21 martsa mba hanohanana ny fahasamihafan'ny teny sy ny kolontsaina ary ho fanomezana sehatra ho an'ny teny andalam-pahafatesana eo anivon'ny vondrom-piarahamonina tsirairay avy. Manamarika izany andro izany koa isika Malagasy ary hafaliana ho an'ny Pôetawebs ny miarahaba antsika rehetra, mpankafy pôezia sy mpanaraka ireo asa fandalinana ao amin'ny tranonkala, mahatratra izany andro lehibe ho antsika izany. Arahabaina manokana : • ireo mpikambana rehetra ao amin'ny Pôetawebs • ireo efa nivahiny tamin'ny Tapatapakahitra • ireo efa nanolotra lahatsoratra sy sary ho an'ny tranonkala • ireo nanampy tamin'ny serasera sy torohevitra • ireo nandray anjara tamin'ny fanehoana an-tsehatra ny asa eto amin'ny tranonkala Hiroborobo hatrany anie ny fanandratana ny teny malagasy, ny literatiora sy ny pôezia ary ny kolontsainatsika. Ny ekipan'ny Pôetawebs |
|
 |
|
| TONONKALO Tiako hohiraina avokoa izay miaina sy mamoa, ny androntsika eto an-tany, ny hatsiaka androany, ireo malaza an-gazety, vazavaza sy ny fety, fo maloton- jiolahy, rotoroto mampanahy. Ny mariazy a-sabotsy? … Vazivazy fa etsy Anosy ny tantara indraindray no miafara ... Adray! Tantaraiko anao ireny; antenaiko fa tsy teny re mandalo mampanoaka, fa ho kalo mahafaoka izay misy rehetra rehetra. Nefa indrisy voafetra re ny saiko hamolavola, ny tsy haiko mahatola! Tsy hifezaka aho rey olona, ary hiezaka hitolona, hanambara teny soa, rima tsara amin'ny fo, andinin-teny maty paika fa tsy ireny maikamaika, zava-kanton' ireo fara: tsangambaton' ny tantara. Fa pôeta no miteny, ny talenta mbola ireny tsy mba maty, tsy miala any anaty tranonkala. Toetra Ràja 19 jolay 2004 |
 |
 |
|
| Harioley |
|
 |
|
| Jasmin Ratsimiseta |
|
| © Pôetawebs |