 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 31 Ôktobra 2021
|
|
| Tatitra sy
sary : Vetson'ny Fanahy |
| MIZARA AINGA |
 Nankalaza
ny faha-10 taonany ny vondrona DIAN-TANAMASOANDRO ny zoma 22 Ôktôbra
lasa teo ka nanatanteraka hetsika miavaka tetsy amin'ny
Tranombokim-pirenena Anosy, efitrano Dox ho fanamarihana izany. Ny
Dian-tanamasoandro dia mivoy ny kolontsaina maro loko, toy ny "tantara
an-dampihazo, teatra, haiady malagasy, tononkalo, sombintantara". Ireo
indrindra no nentin'izy ireo nifampizarana tamin'ny mpakafy ny
kolontsaina malagasy ny zoma 22 Ôktôbra 2021 lasa teo. Hetsika tsy dia fahita firy no nasehon'izy ireo, satria raha literatiora no seho mahazatra entina ao amin'ny tranombokim-pirenena, dia haiady malagasy antsoina hoe "DIAMANGA" no natrehina tao. Voalaza fa mifanindran-dalana tsara amin'ny soatoavina malagasy izy io. Nisy ihany koa ny resadresaka nataon-dRatovo Valiha momba ny tantaran'izany valiha izany teto Madagasikara, ary narahany fampisehoana ny talentany. Naseho tao anatin'ny hetsika ny tantara an'onjam-peo mivantana, izay nolalaovin'i Lofika, Mbolaranto, Sahondra ary Dodhi", tantara mahatsikaiky nampitondrainy ny lohateny "Ho Hendry amin'izay". Ity hetsika ity moa dia teo Ambany fiahian'ny Minisiteran'ny Serasera sy ny Kolontsaina, ary ny Federasiona Miahy ny Teny sy ny Soratra (FMTS). Na dia naharitra ora telo ny seho dia tsy nampamonamonaina ny mpijery satria talenta maro loko no nianohana. Nanaitaitra ny mpijery ny fanentanana nataon'i Voahangy sy Dodhi Rakotomalala ka nampifantoka ny rehetra. Mirary folo taona hitsingerina ho an'ny Dian-tanamasoandro ny Pôetawebs, mirosoa hasina hatrany! |
 |
 |
 |
 |
 |
 |
 |
 |
 |
 |
|
©
Pôetawebs
|
