 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 20 Oktobra 2022
|
|
|
KONFERANSA MOMBA NY SORATRA 2022 Lahatsoratra : Heriarilala Andriamamonjy |
Nahatontosa Konferansa Momba ny Soratra (KMS) 6 hatreto ny vondrona Koloiko sy Hajaiko ny Teniko tamin'ity taona 2022 ity, hetsika natao hampiroboroboana ny teny sy haisoratra malagasy. Velakevitra iray avy no novahavahan’ireo mpikirakira ny teny malagasy tamin’izany.  “Ny aretin'ny pôezia
mifindra amin'ny firaisana ara-nofy ao amin'ny Facebook”, no
nanokafan’i Hobiana ny KMS tamin’ny 4 Mey 2022. Anisan’ny voaresaka
tamin’izany ny tsy fahafehezan’ny pôeta ny voambolana tokony
hampiasaina, ny tsy fahafehezana ny fitsipi-panoratana izay tsy fantany
akory fa vokatry ny dokadoka sy fanomezana “tiako” ataon’ny mpanao
Facebook. Velakevitra roa no nentina nandritra ny KMS tamin’ny 1 Jona ho fanamarihana ny iray volan’ny teny malagasy (sary ankavia). I Sitraka Feno Tanteraka no nitondra ny lohahevitra hoe “Ny teny malagasy: mandroso sa mihemotra?” I Na Hassi kosa niresaka “Ny fifamatoran'ny reny sy ny aina ary ny tany tarafina ao anatin'ny boky Simple voyelle nosoratan'i Esther Nirina". Velona sy miaina ny literatiora malagasy ary nahitana fivoarana sy fihavaozana maro araka ny konferansa notarihin’i Riambola Mitia tamin’ny 6 Jolay ka namoaboasany “Ny haiforona mampiavaka ny literatiora malagasy nanomboka ny taona 1991 mandraka ankehitriny”. Anisan’ny nisongadina tamin’izany ny fiforonan’ny riankalo izay misy ifandraisainy amin’ny sombin-tsoratra, tononkalo, epistily. Ranoe no namorona izany riankalo izany. Anisan’izany haiforona izany koa ny tôkalo sy tôkandrigna izay asasoratra niforona tamin’ny alalan’ny fampivadiana ny an-tsoratra sy am-bava betsimisaraka. Taharo nampiasain’ny mpamorona ny tôkatôka sy tononkalo, ny riankalo sy tôkatôka.  Karazana literatiora efa
mihamahazo vahana eto Madagasikara koa ny “slam”, maro ireo tanora
mirohotra amin’ny fiangaliana izany. Misy koa anefa ireo tsy
mankasitraka ny fidiran’io “slam” io eto Madagasikara. Maro ankehitriny
ny tsy mahay manavaka ny “slam” sy ny “tononkalo” ary izany indrindra
no nitondran’i Pôety Rebely (sary ankavia) ny “teknika sy torohevitra,
fomba famoronana slam-pôezia” ny 7 Septambra lasa teo. Nanohy ny KMS
Ravorombato ny 5 Oktobra tamin'ny lohahevitra “Ny tantara fihaino: ny
niandohany, ny olan’ny mpanoratra, teknikam-panoratana”. Tao amin’ny Tranombokim-pirenena Anosy avokoa no nanatanterahana ireo konferansa ireo tamin’ity taona ity. Marihina fa ny ny teny hoe “Konferansa Momba ny Soratra” na KMS dia anarana hetsika fanaon’ny vondrona Koloiko sy Hajaiko ny Teniko hatramin’ny 2017. Nitohy hatrany izany ny taona 2018 sy 2019 izany raha niato noho ny fihibohana ny 2020 sy 2021. Efa eo am-panomanana ny Savaivon’ny Teny Malagasy na STM indray ankehitriny ity vondrona ity. |
|
|
| Ravorombato sy Hobiana |
|
 |
|
| Riambola Mitia |
Ravorombato |
|
©
Pôetawebs
|