Faha-15 taonan'ny Poetawebs, fanambaran'ny poeta vitsivitsy
Poetawebs -
25/05/2024
Faha-15 taoan'ny Poetawebs,
henoy ny tenin'ny poeta
![](https://poetawebs5.e-monsite.com/medias/images/38.il-aina-herinandrasana.jpg) |
Il'Aina Herinandrasana
|
![](https://poetawebs5.e-monsite.com/medias/images/39.lovasantatra.jpg) |
Lova Santatra
Poetawebs,
Nandrehitra ho afo midorehitra ho mena hanavatsava ho tontolo hanome
hafanana ary hanafana hanenika vanimpotoana maro ny zavakanto
vita amin-teny, ka hifampizarana ny fahasoavan'ny tranonkala Poetawebs.
Ka hipariaka ao ampon'ny olona indray ny literatiora, hotsarotsaroana.
Ho heni-pitahianaana sy ho Zina hitsingeringerina ny taona hifandimby
ho azy.
Tsara ary dia ho tahin'Ilay Mpamorona Avo indrindra
|
![](https://poetawebs5.e-monsite.com/medias/images/40.sunny-razakamanana.jpg) |
Sunny Razakamanana
|
![](https://poetawebs5.e-monsite.com/medias/images/41.fanja-razah.jpg) |
Fanja Razah
Tetezana mampifandray ny
Poeta sy ny asasorany amin'ny mpandala sy mpankafy poezia ny Tranonkala
Poetawebs.
Arahabaina ianareo mpiray petsapetsa eto amin'ny Poetawebs
amin'izao tsingerina fahadimy amin'ny folon'ny taona niorenanareo izao.
Koa mafisa orina hatrany ho tetezana holovain-jafy mifandimby ny asa
masina imatesanareo.
|
![](https://poetawebs5.e-monsite.com/medias/images/42.rado-ramaherison.jpg) |
Rado Ramaherison
Miarahaba ny Poetawebs
noho ity andro ity. Misaotra tamin'izay efa vita rehetra ary dia mirary
fahombiazana hatrany ihany koa ny amin'izay rehetra mbola hatao.
|
![](https://poetawebs5.e-monsite.com/medias/images/43.ranarivelo-roel.jpg) |
RANARIVELO Roël
Poetawebs 15 taona :
irariana hitazona ny fahavitrihan’ny fahatanorany izay mampahery vaika
ny fitiavana, ny nofinofy, ny famoronana, ny hetsika manandratra
hatrany ny asasoratra sy ny poeta.
|
Date de dernière mise à jour : 25/05/2024