TSIAHY SY NY HO AVY - ENDRIKA
VAOVAO
Mitafy
endrika vaovao ny bokin'i Andry Tiana Rasamindrakotroka "Tsiahy sy ny
ho avy". Napariaka nanomboka tamin'ny taona 2021 mantsy ny
edisiona
voalohany natontan'ny ECOPRIM ary ahitana takila 164.Teraka tamin'ny 27 Avrily 2024 teo
kosa ilay endriny vaovao nahazo laharana ISBN, edisionan'ny
Independently published. Niakatra ny isan'ny takila, mitontaly 276,
satria nisy ampahany natao tamin'ny teny frantsay ary niampy 20 ny
tononkalo. Eo amin'ny fonony dia efa ahitana ny dikan'ny lohateny
amin'ny teny frantsay "Le passé et l'avenir". Raha fotsy ny fonony
ivelany teo aloha dia mena midorehitra izany ankehitriny. Mbola i
Esther Rasoloarimalala RANDRIAMAMONJY hatrany no
teo amin'ny teny
fanolorana, narahin'ny "Fifaliana ifampiazarana' an'ny Dr Irako
Andriamahazosoa Ammi.
Mampiavaka an'ity boky ity, toy ny tao amin'ny edisiona voalohany
ihany, ireo tononkalo maro maneho fahendrena sy anatranatry ny
raiamandreny, miampy ny tovana matevina manambara ny sorapiainany sy ny
fanehoan-kevitra samihafan'ireo namana sy oloben'ny firenena
mifanerasera aminy.
Azo atao ny mamandrika ny boky ao amin'ny tranonkalan'ny Amazone
amin'ity rohy ity:
 |
 |
| Edisiona
2021 |
Edisiona
2024 |
Date de dernière mise à jour : 05/05/2024