Volam-pahavaratra - Faribolana Sandratra
Toetra
Ràja - 24/01/2025
VOLAM-PAHAVARATRA
Faribolana Sandratra
Vao avy
namarana tamin'ny fomba manetriketrika ny fankalazana ny faha-35-taona
nijoroany ireo mpiraifaribolan'ny Sandratra dia indro tazana sahady
mameno ny tambajotra sosialy ny petadrindrina manambara hetsika lehibe
antsoina hoe Volam-pahavaratra. Tsy misy fakana aina ny an'ireto
Apostolin'ny soratra sady mpitety vazan-tany ireto fa ny avy any
amin'ny vazan-tany aza no ho avy hifety ao amin'ny 25 janoary 2025 ao
amin'ny Cercle Germano-Malagasy Analakely.Tsy araka ny mahazatra ahatarafana tarehin'olona misongadina ny petadrindrina satria ho maro sy tsy ampoizina ireo hiaka-tsehatra, izany hoe ireo fohazin'ny aingam-panahy mifandraika amin'ny volana sy ny androm-pahavaratra iainana izao. Antsa tononkalo arafitra ao anatin'ny fizarana telo no hanehoana izany fifohazana aingam-panahy izany, ary horavahan'ireo mpanakanto mpihira ny mozikany mifanaraka amin'ny lohahevitra tsirairay.