Iray Volan'ny Teny Malagasy - Vakinankaratra
Ho henika seho kanto
Faniry
Ezeckiel - 31/05/2025
Hisantarana an'izany, ny fifaninanana soratononina hampanaovina ireo mpianatra ambaratonga faharoa, ny tolaka andron'ny 11 jona 2025. Tsy hiandry ela fa ny alarobia herin'io dia haseho masoandro aty Antsirabe indray ny boky Ankaromiafina izay efa nanakoako tao Iarivo tao ny volana aprily lasa teo. Hilaro velakevitra atao amin'ireo mpianatra izay tonga hanatrika eo ity hetsika ity. Farany kosa ny atrikasa tsipelina arahina velakevitra momba ny teny malagasy ny sabotsy 28 jona 2025, hanomboka amin'ny 2 ora tolaka andro.
Marihina fa horavahina antsa tononkalo avokoa ireo rehetra ireo ary ao amin'ny Tranoben'ny Serasera sy ny Kolontsaina Akon'Ankaratra no hanatontosana azy ireo. Anisan'ny mpiandraikitra mavitrika amin'ireo fankalazana ireo araka izany ny lehiben'ny sampandraharahan'ny kolontsaina ao Vakinankaratra.
Seho kanto marolafy no handravaka ny lanitry Vakinankaratra ka tsy hisy ho diso anjara aby ny rehetra. Hisy akony lehibe amin'ny fanabeazana ny tanora ho tia ny teniny izay mifamatotra amin' ny taniny ny hetsika tahaka izao.
Faniry Ezeckiel
Ho henika seho kanto i Vakinankaratra