Sidina am-poezia
Toetra
Ràja - 21/10/2024
Sidina am-poezia
Andro
vitsivitsy sisa isaina dia higadona ny andro itondran'ny Faribolana
Sandratra ny mpanaraka azy amin'ny "Sidina am-poezia". Milohateny hoe "Embaña"
ny hetsika, "Embagna" koa no fanoratra azy, voambolana avy amin'ny
fitenim-paritra sihanaka, manambara ny "elatra" araka ny mety ho
mahazatra ny maro.
Poeta vehivavy efatra, Haingohaja, Kalo Fanomezana, Nirihaja ary Tiavina, izay efa zatra miaraka sy samy manana ny maha izy azy avy, no hanamory ny sidina ny sabotsy 26 oktobra 2024 ao amin'ny CGM/GZ Analakely.
Tsy mitsahatra mikaroka am-pitiavana ny teny malagasy sy mizara poezia fanomezana tsiro ny andavanandrom-piainan'ireo mpianoka ny mpikambana ao amin'ny Faribolana Sandratra.
Raha hazavaina tsotsotra, fihaonan'ny hetsi-panahin'ny poeta maro ka miteraka fihetseham-po iraisan'ny samy poeta ny "Sidina am-poezia". Miako any amin'ireo mpanatrika izany ka miteraka fihetseham-po sy aingam-panahy ho an'ireto farany, izay zary lasa poeta ihany koa eo am-pianohana izany!
Poeta vehivavy efatra, Haingohaja, Kalo Fanomezana, Nirihaja ary Tiavina, izay efa zatra miaraka sy samy manana ny maha izy azy avy, no hanamory ny sidina ny sabotsy 26 oktobra 2024 ao amin'ny CGM/GZ Analakely.
Tsy mitsahatra mikaroka am-pitiavana ny teny malagasy sy mizara poezia fanomezana tsiro ny andavanandrom-piainan'ireo mpianoka ny mpikambana ao amin'ny Faribolana Sandratra.
Raha hazavaina tsotsotra, fihaonan'ny hetsi-panahin'ny poeta maro ka miteraka fihetseham-po iraisan'ny samy poeta ny "Sidina am-poezia". Miako any amin'ireo mpanatrika izany ka miteraka fihetseham-po sy aingam-panahy ho an'ireto farany, izay zary lasa poeta ihany koa eo am-pianohana izany!
|
|
| Haingohaja, "'Zaho tsy sipa tsinjo ka hamonjy poritra ny vesatra tsy tanty". |
|
|
| Kalo Fanomezana, misarika ho amin'ny sahan'ny alina |
|
|
| Tiavina,
niova sata, niova loko |
|
|
| Nirihaja, mpiventy ny fahatsoram-po
sy fitoniana |
