ANOFY
Sehon'ny andriambavilanitra Faribolana Sandratra
Dimby
Mahenina - 24/08/2025
Tao anatin'ny seho ampahany voalohany no nanehoan'ireto andriambavilanitra ireto ny toe-pijaliana iainan'ny vehivavy samy hafa eo amin'ny fiarahamonina misy azy. Tamin'ny endrika teatraly sy poetika ravahan-kira no nampiainana izany. Nandritra ny ampaham-potoana faharoa kosa no nisongadinan'ny fivoizana ny lohahevitra "ANOFY" izay nanehoan'ireto farany ny endriky ny nofim-pahasambarana sy fiainana nofinofisin'izy ireo ary nolalaoviny sy naranty tamin'ny fomba kanto.
Naharitra ora iray mahery ny seho. Ny masoandro mody no nampalahelo hoy ny fitenenana, ka na dia mbola tamana aza ny mpijery maro dia tsy maintsy nofaranana izay efa natomboka. Tao anatin'ny fifaliana sy fahafaham-po no nifandaozana tamin'ireo mpankafy. Tao anatin'izany ny fiarahana naka sary fahatsiarovana, niampy ny fanjifana ireo valonana mitahiry ny asasoratr'ireo mpandray anjara.
 |
| "Sasatra miaina ny fiainana
tena izy tsy manam-piovana izy ireo ka naleony nanakimpy ny masony mba hahafahany mamboly nofy araka izay niriny..." |
 |
| Fifamalian'antsa teo amin'i Kanto Fitahiana sy Eluart A. |
 |
| Dimby Mahenina sy Miaro Zo
milalao sehatra |
 |
| Baliaka sy Ra Zo mianoka ny
sehatry ny "Anofy" |
 |
| Tonony sy kalo kosa no
nandravahan'i Natiora ny antsa niarahany tamin'i Tsitoha Agape |
 |
| Ireo mpandray anjara
fototra namelona ny seho : Kanto Fitahiana, Baliaka, Dimby Mahenina,
Natiora |
Tatitra sy sary : Dimby Mahenina
_______________
ANOFY
Sehon'ny andriambavilanitra Faribolana Sandratra