Boky
kamban-telo araka ny sokajiny avy no naseho imaso misandratra andro tao
amin'ny efitrano DOX tranombokim-pirenena. Vokatra literera efa matoy
sy azo toazana tsara no nampahafantarin-dRanjatohery Harilala, Poeta,
Mpanoratra, Mpikabary, Akademisianina.
Taorian'ny kabary nifandimbiasan'ireo tompon'andraikitra
araka ny sehatra misy azy, toy ny mpanoratra, ny filohan'ny Havatsa
UPEM izay anisan'ny nanao fanolorana ny boky, ny filohan'ny Sokajy
voalohany ao amin'ny Akademia Malagasy ary ny Tale misahana ny
fampiroboroboana ny teny malagasy, dia nohazavain'ity poeta ity ny
mombamomba ireo boky ireo.
• Itadiavam-bady i Dadatoa no lohatenin'ny
amboaran-tsombintantara amin'ny endriny A5, ahitana takila 444 ary
mirakitra Sombintantara 20. Miloko mena ny fonon'ny boky.
• Julie Marie no boky naseho taorian'izany.
Sombintantara no endrika nisehoany tany am-piandohana. Novaina
ho tantara foronina kosa izany taty aoriana.
Nivoaka ny 1997 ny boky izay mitantara ny tontolona makorelina.
Ahitana takila 74 izany.
• Tandindona, izay amboaran-tononkalo kosa no nohazavain'ny poeta
Ranjatohery Harilala. Teo anelanelan'ny 1985-1995 no fotoana nanoratany
ireo kalo ireo. Ahitana 276 takila izany.
Antsa tononkalo samihafa no nandravaka ity fotoana miavaka ity. Tsy
nohadinoin'ny mpanoratra ny nanolotra boky ireo niantefan'izany.
Izahay eto amin'ny Poetawebs dia miarahaba sy mirary soa noho izao
poa-telon'ny literatiora izao.
 |
| Talen'ny fampiroboroboana ny
teny malagasy |
 |
| Hantanoro, Havatsa-UPEM,
nanolotra ny fotoana |
 |
| Hajaina, filohan'ny Havatsa-UPEM nanao teny fanolorana ny boky |
 |
| Ranjatohery mampahafantatra ny
boky |
 |
| J. Nalisoa Ravalitera,
filohan'ny Sokajy voalohany, Akademia malagasy |
 |
| Ratsifa, Faribolana Sandratra,
niantsa tononkalo |
 |
| Felana, Faribolana Sandratra,
niantsa tononkalo |