Korisam-peninin'ny Poetawebs - 2024

Manana hafatra manokana ho anao ny Poetawebs mandritra ity taona 2024 ity.
Atolotr'i Ny Hasina Ratsimbazafy :

"Ho poeta miombona amin'ny tanindrazany sy hoan'ny tanindrazany"

Ny fiombonan'ny poeta amin'ny tontolon'ny razany, amin'ny taranaky ny razany, amin'ny tany sy vakoka ary haren-tsaina navelan'ny razany no fototra mampitsiry ny fitiavan-tanindrazana eo amin'ny samy poeta. Miampita sy manabe ny fiarahamonina izy ireny, ka mahatonga azy ireo ho tia sy ho saro-piaro ary hikolokolo mandrakariva ireny zava-tsoa eo amin'ny taniny ireny. Ho filamatra amin'izay fiombonan-tsaina amin'ny tanindrazana sy ho an'ny tanindrazana izay anie ny poeta malagasy.