"Ny Poeta indrindra no fantsom-panovana ny tontolo bobongolo", izany teny izany no voizin'ny Poetawebs mandritra ity taona 2026 ity mba hisarihana ny olona hanova toe-tsaina. Mifantoka amin'ny fototry ny hasambarana ny eritreritr'i Patrick Raveloarison hoe:
Iza tokoa moa no tsy maniry an'izany fahasambarana izany mba
hitoetra mandrakariva ao aminy? Saika natao ho antom-pahavelomana
mihitsy aza izany fahasambarana izany ka itadiavana ny fomba rehetra
hahatanteraka azy, ho an'ny tena manokana aloha, ary ho an'ny hafa koa
raha toa ka tsy maningotra ny ampahany na ny manontolon'ilay heverina
ho anjaran'ny tena. Eo amin'ny fatran'izay anjara izay indrindra
matetika no miteraka olana satria sarotra faritana ny fetran'ny
marimaritra iraisana.
Raha dinihina ity fomba fijerin'i Patrick Raveloarison iy dia tsy ny
vola aman-karena izay ihazakazahan'ny fiarahamonina no refy famaritana
ny halalin'ny fahasambarana fa amin'ny "fomba fijerinao ny fiainana",
hoy izy. Samy manana ny fomba fijeriny anefa ny tsirairay. Mety ho
harena na fahantrana ho an'ny fiarahamonina anefa ny fahasamihafan'ny
solomaso sy ny fanitajery ampiasain'ny isam-batan'olona. Kanefa raha
hisafidy ny tena fanovana ny fiarahamonina ho tsara isika, tsy aleo ve
eritreretina ny kalitaon'ny fomba fijery vaovao?
Samia mandinika!
Eritreritr'i Toetra Ràja
Ireto manaraka ireto kosa ireo mpikamban'ny Poetawebs mifarimbona amin'ity taona 2026 ity:
Ny Malodohasaha
• TENIN'NY POETAWEBS 2026
