Sambatra
i Madagasikara manana anao misalotra anarana ampoka angola tokana
aman-tany. Ianao Ilay mivolana ombieny ny teny malagasy na aiza na aiza
tontolo iseharana .
Tsy hadinonao mihitsy ny mianjaika fatratra amin'ny alalan'ireo taovolo
sy fitafy efa nolalain'ireo mpialoha lalana. Eny fa na ny haitao
rehetra entina andrariana ny fiainam-piarahamonina aza dia voafehinao.
Sambatra, eny, sambatra i Madagasikara mahita anao mifikitra amin'ireo
fomba sy fanao mikolo ny toe-tsaina mandala ny fiombonana,
mitera-pihavanana ombam-piraisankina eo amin'ny mpiara-belona.
Ahariharinao hatrany fa Malagasy ianao sy ireo handimby anao rahatrizay.
Fahendrena isafatsiroa mendrika holovain'ny taranaka amin'ny ho avy ny
fifaharanao amin'izany Soatoavina izany.
IFAHARO NY MAHA MALAGASY !
 |
 |