Iray volan'ny pôezia - Boeny
![Pôetawebs : manandratra ny literatiora malagasy Pôetawebs](http://poetawebs3.e-monsite.com/medias/images/poetawebs-logo5.jpg) |
PÔETAWEBS |
Ny pôeta raha miteny
dia mampita izay
mba reny
sady saininy
ombieny
amin'ny gadona
avo lenta
mampitony
hetaheta :
bitsik'ivan'ny
pôeta.
T.
Ràja
|
![Ny bitsikao pôeta arindran'ny eritreritra, mihodina ao anaty, milamina sy tony... mba ho loharanon-tsoratra tsy afaka eo imolotra, mampisaina lalina! Toetra Ràja Pôetawebs](http://poetawebs3.e-monsite.com/medias/images/pw-kodiarana-1.jpg) |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto".
01 Marsa 2022
|
Lahatsoratra :
Heriarilala Andriamamonjy
|
IRAY VOLAN’NY
POEZIA ANY MAHAJANGA
— Hiaka-tsehatra i RNT MPIKALO —
|
Manolotra ho an'ny
mponin'i Mahajanga "Ny pôety sy ny alahelony" ny Fitaleavam-paritry ny
Serasera sy ny Kolontsaina, miaraka amin'ny Tranombokim-pirenena eto
Madagasikara ny 2 Marsa amin’ny 3 ora tolakandro, ao amin’ny
Tranombokin’ny Tranoben’ny Serasera sy ny Kolontsaina “Akôry Haly”
Mahajanga. Tafiditra ao anatin'ny Iray Volan’ny Pôezia ity hetsika ity
ka ahitana velakevitra sy fiantsana tononkalo ary
fifanakalozan-kevitra. Vahiny nasaina manokana amin’izany i Rnt Mpikalo
izay pôeta sady mpanoratra. Anisan’ny hiantsa tononkalo sy hanao slam
koa ry Ombre de la plume, Setroka, Rianarivelo, Safidy Mihaja ary i
Kanto Mikalo.
Mitohy hatrany ny fanandratana ny teny sy haisoratra
malagasy ho
an’ireto tanoran’i Mahajanga ireto ka manantena ny fanotronan’ny
mpankafy rehetra izy ireo. Tsy misy ny vidim-pidirana.
|
Takelaka : Toetra Ràja
Date de dernière mise à jour : 01/03/2022