 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 30 Jolay 2022
|
|
 |
Toy ny katsaka ladinim-bahy sy jijy kely mihoa-bangy tokoa ny mpikirakira ny teny sy ny literatiora. Fararanon-danonan'ny literatiora mantsy ny tetsy amin'ny Tranombokim-pirenena Anosy, efitrano Dox, ny alakamisy 28 Jolay 2022 lasa teo. Hetsika tsy dia fahita firy roa sosona be izao no nitranga tamin'io fotoana io. Teo aloha ny fanolorana ny Mariboninahitry ny Kanto sy ny Soratra ary ny Kolontsaina tamin'ny laharana "Commandeur" ho an'ireo mpanoratra andrarezina sy mpikirakira ny literatiora telo mianadahy: - Toetra Ràja
(Toetra Rajaonarivony),
nanangana ny tranonkala Pôetawebs, mpanoratra sy mpandrindra boky ka
anisany ny Sorapiainana voalohany hatramin'ny fahatelo, manapariaka
tononkalo amin'ny gazety sy aterineto ary boky literatiora any ivelany.
- Ny Malodohasaha (Narivelo Rajaonarimanana), profesora elanihetezana (INALCO Paris), pôeta, mpanoratra boky sy rakibolana, mpampianatra mpikaroka, nandalina manokana ny sorabe, mpanao velakevitra eo amin'ny sehatra iraisam-pirenena. - Solotiana Nirhy-Lanto Ramamonjisoa, maître de conférence voalohany amin'ny literatiora malagasy ao amin'ny INALCO Paris, mpanoratra boky sy rakibolana, mpanao velakevitra eo amin'ny sehatra iraisam-pirenena. Rehefa voafintin'ny Tonian-danonana Tsikimilamina Rakotomavo ny sorapiainan'izy ireo, nomba ny antsa tononkalo niangalian'ny pôeta Felana sy Mahefa ary Riambola Mitia, dia niroso tamin'ny fanolorana mariboninahitra ny Minisitry ny Serasera sy ny Kolontsaina Lalatiana Rakotondrazafy ANDRIATONGARIVO ho an'ireto mahery fon'ny literatiora ireto. Nisintona ny sain'ny rehetra aloha izy mba ho tia vaky boky, indrindra fa ireo amin'ny teny malagasy. Nankasitraka ny fivoizan'ireto mpanoratra malagasy ireto ny teny sy ny literatiora malagasy any ivelan'ny Nosy izy ary talanjona raha nampahafantarina nandritra ny fintina fa "hay tokoa na ny sehatry fanadinam-panjakana any ivelany aza dia idiran'ny literatiora malagasy". Nanafana ny fotoana i Bebey sy i Benny avy amin'ny Lolo sy ny tariny. Nandrotsirotsy tao ambadiky ny antsa tononkalo koa i Dédé Valiha. Nanamarika ny fizarana faharoan'ity lanonana ity ny kaonferansa notontosain'Ny Malodohasaha sy Solotiana Nirhy-Lanto milohateny hoe "Rakibolana sy Literatiora: Fitaovam-pikajiana ny teny malagasy". Novelabelarin'Ny Malodohasaha fa mitana anjara toerana lehibe eo amin'ny famelomana ny teny ny rakibolana. Ny lanjan'ny literatiora amin'ny fikoloana ny teny kosa no novoaboasan'i Solotiana Nirhy-Lanto. Nahatsiaro sy nahatsapa ireo olona tonga maro be fa tsy ho faty ny literatiora raha mbola eo ireo olona miady mafy amin'ny fanandratana azy. Naharitra ora roa ity fotoana nofaranana tamin'ny tsaingoka ity. Vetson'ny fanahy
|
 |
 |
| Felana,
niantsa ny tononkalon'i Toetra Ràja |
Riambola Mitia, niantsa ny tononkalon'Ny Malodohasaha |
 |
 |
| Mahefa
niantsa ny tononkalon'i Nirhy-Lanto |
Ireo manam-pahefana. Miankavanana: Ministra, DirCab, DG ORTM, DSI, Tale IVOTORO |
 |
 |
| Lalatiana
Rakotondrazafy Andriatongarivo, Ministry ny Serasera sy ny Kolontsaina |
Fanolorana
mariboninahitra |
 |
 |
| Ramatoa
Ministra eo afovoan'ireo notolorana |
Bokin'izy
telo mianadahy natolotra ny Ministra |
 |
 |
| Ireo mpanao kaonferansa | Nanolotra
azy ireo ny Tonian-danonana Tsikimilamina Rakotomavo |
 |
 |
| Benny
sy Bebey avy amin'ny Lolo sy ny tariny Eo ankavanana i Dede Valiha |
Tsikimilamina
Rakotomavo, nanazava ny fandaharanora |
 |
|
| Anisan'ireo nandrafitra ny komitin'ny
OALC. Eo ankavia Sahondra
Andriamihamina (Talen'ny
Arsivam-pirenena) sy Tsikimilamina Rakotomavo (DIC). Eo ankavanana
Ranjatohery Harilala |
|
 |
|
| Mpianatra
notarihin'ny Pr Narivelo Rajaonarimanana sy Solotiana Nirhy-Lanto tao
amin'ny INALCO |
|
 |
|
| Miankavanana
: IPA Andriamangatiana, Hajaina Andrianasolo, Razanabahiny Victorine,
Ralalaoherivony Baholy, Solotiana Nirhy-Lanto, Narivelo
Rajaonarimanana, Mbato Ravaloson, Ranjatohery Harilala |
|
 |
|
| Tsikaritra
ao anatin'ireo mpanatrika natao tazan-davitra ny talen'ny MSK vitsivitsy |
|
| VAOVAO AN-GAZETY NANAMARIKA NY FOTOANA |
|
 |
|
| TVM 28/07/2022
tamin'ny 8 ora hariva |
|
 |
|
| Dépèche Informative
Taratra - 28/07/2022 |
|
 |
|
| Midi Madagasikara
- 29/07/2022 - Hanitra Andria |
|
 |
|
| Les Nouvelles
29/07/2022 - Joachim Mickael |
|
 |
|
| Gazety Taratra
28/07/2022 - Narilala sy HaRy Razafindrakoto |
|
 |
|
| Gazety Taratra
29/07/2022 - Narilala |
|
|
©
Pôetawebs
|
Date de dernière mise à jour : 31/07/2022
