 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 18
Avrily 2010
|
|
| Nalisoa
Ravalitera
— Lahatsoratr'i Toetra Ràja —  Anisan'ny hanafana ny sehatra amin'ny 24 febroary
2010 ho
avy izao ao amin'ny C.G.M. i Nalisoa Ravalitera, mpampianatra, pôeta
(tononkalo 500 eo ho eo), mpanoratra bokim-pampianarana (FARY
MAMY),
mpanoratra tantara sns. Anisan'ireo vatolampin'ny fanagasiana koa izy
ary na dia ny "doctorat"-ny aza dia nataony tamin'ny teny malagasy
ranoray hatramin'ny sedra farany teo anoloan'ny mpitsara.Mpikambana ao amin'ny FARIBOLANA SANDRATRA sy HAVATSA-UPEM izy, eny fa na dia maningana ihany aza ny fahitana olona iray midi-droa tahaka izao. Betsaka ny boky navoakany. Eo amin'ny lafin'ny fampianarana dia tsy zoviana amin'ny maro intsony ny FARY MAMY - amboara 7 - niarahany namolavola tamin-dry RABEMOLALY FANOMEZANA, RAVELOMANANA Hermann ary RAMILIARISON Henri. Nampiasaina mivantana tany an-tsekoly koa ny bokiny manokana "TAPA-POROHANA". Efa nosedrain'ny mpianatra niatrika ny fanadinana bakalorea koa ny diam-peniny. Efa namoaka bokin-tononkalo hafa azy manokana izy toy ny "Fitia sy fitia". Amin'ny maha mpanoratra tantara azy dia singanina eto ireo bokiny "MADE" sy "ZETRA". Ambonin'izany dia navitrika tokoa izy tamin'ny famoaham-boky niarahany tamin'ireo MPIRAY FARIBOLANA aminy toy ny TONTOLO ISAINANA, SANDRATR'ANTSA, FARARANO TONONKALO. Nitana andraikitra lehibe teto amin'ny firenena izy talohan'ny nandehanany nisotro ronono satria efa voatendry ho talen'ny teny, boky, vakiteny tao amin'ny Ministeran'ny Kolontsaina sy ny Fizahantany. Tsy nohamaivaniny tamin'izany ny fampijoroana ny rafitry ny fanagasiana. Nampahafantatra izy tamin'ny 2005 fa tsy azo hihodivirana ny fampiasana ny teny malagasy amin'ny tenim-pampianarana any amin'ny ambaratonga fototra amin'ny maha tenin-dreny azy. Tsy amim-pahamaizana intsony toy ny natao tamin'ny fotoana teo aloha ny fanagasiana novolavolaina fa efa ananana avokoa ireo foto-drafitrasa entina hanatanterahana izany. Izany akory tsy misakana ny famporisihana ny mpianatra tsy hianatra tenim-pirenena hafa, indrindra amin'izao andron'ny fanatontoloana izao. Amin'ny 24 febroary 2010 ho avy izao no hifampitaona amin'ireo mpakafy pôezia malagasy izy sy ireo mpiray FARIBOLANA aminy, dia i Om-Gui sy Ranoe izany, ao amin'ny C.G.M. amin'ny alalan'ny lohahevitra RESA-PITIAVANA, mitondra ny lohateny hoe : HIRAN'NY MATOY. |
|
©
Pôetawebs
|
Date de dernière mise à jour : 14/07/2021
