Créer un site internet

 

Ny poeta raha miteny
Dia mampita izay mba reny
Sady saininy ombieny
Amin'ny gadona avo lenta
Mampitony hetaheta
Bitsik'ivan'ny poeta

26 novambra 2017

Pôetawebs 2017

Telo andron’ny Havàtsa-Upem Arivonimamo

Ny «Telo andron’ny Havàtsa-Upem Arivonimamo» izay tokony ho notontosaina ny volana ôktôbra lasa teo dia tanterahina manomboka ny Sabotsy 25 novambra 2017 amin’ny 2 ora amin'ny alalan'ny famoaham-bokin’ny Mpikambana “Miary Fanahy”, mpikambana mahefa, nampitondraina ny lohateny hoe: “LAKOLOSY FAHATELO”. Izany moa dia hita ao amin’ny CEMDLAC Analakely Antananarivo, hianohana antsa tononkalo ravahana dihy miaraka amin’ny mpanankanto : Andry Rabe, izay efa mpiara-miasa amin’izy ireo hatrany.

Ny Zoma 1 desambra 2017 manomboka amin’ny 10 ora maraina kosa dia lanonana fanokafana amin’ny fomba ofisialy ny taom-piasana 2017-2018, izay andrafetana ny fomba fanao Havàtsa rehefa misy ny hetsika. Ny fanolorana salotrasina ho an’ireo mpikambana nahafeno ny fepetra, ny fampirantiana ireo mpanoratra anaty fandaharam-pianarana sy ireo nanorina ny fikambanana Havàtsa-Upem.

Ho hita ao ihany koa ny sangan’asan’ireo mpikambana ao an-toerana. Io andro io dia ravahin’ny mpanankanto TAFASIRY KOLO KANTO izay manana ny maha izy azy ihany koa eo amin’ny famelomana ho hira ny sangan’asan’ireo mpanoratra fahiny.

Ny Sabotsy 2 desambra 2017 kosa dia mizara roa mazava ny hetsika: manomboka amin’ny valo ora maraina dia fanohizana ny fampirantiana izay azon'ny be sy ny maro tsidihina. Ary ny tolakandro manomboka amin’ny 2 ora sy sasany dia antsa tononkalo nampitondraina ny lohateny hoe: «FILAZAN-TSARIN’NY ALINA» izay tontosaina mpanoratra telo anaty taom-polo mifampitohy dia «Hobiana-Riva-Ikaky RH». Marihina moa fa ity seho ity dia hiavaka tokoa satria hiara-hiasa ny mpanoratra telo lahy izay samy manana ny lentany manokana tokoa. Izao hetsika rehetra izao dia misy mpiahy azy: ny Ben’ny Tanànan’Arivonimamo Ambonivohitra, A8ndriamatoa RAZANAKOTO Jaona sady mpanohana ny hetsika rehetra hatramin’izay. 

Tatitra: Ony Ravorombato

poetawebs©2017 - poetawebs@gmail.com

 

Date de dernière mise à jour : 27/11/2017

×