 |
PÔETAWEBS | ||
| Ny pôeta raha miteny dia mampita izay mba reny sady saininy ombieny amin'ny gadona avo lenta mampitony hetaheta : bitsik'ivan'ny pôeta. T.
Ràja
|
 |
"Tsy
azo adika na alain-tahaka raha tsy mahazo lalana avy amin'ny Pôetawebs
fa voararan'ny lalàna 94-036 ny 18 septambra 1995 mikasika ny zon'ny
mpamorona sy ny mpanakanto". 19
martsa 2021
|
|
| Faribolana Sandratra, velakevitra tao Ambatolampy | |
Masaka ny nahandro tany Ambatolampy tany, niredareda ny afon'ny literatiora malagasy. Notanterahina ny sabotsy 13 martsa 2021 lasa teo mantsy ny velakevitra momba ny literatiora nataon'i Ranoe tamin'ny mpianatra. Teo an-jaridainan-dRazanoelina Leontine na i Leo Eden mpandrindra ny Faribolana Sandratra Ambatolampy no notontosaina ny hetsika rehetra izay nanomboka tamin'ny 9 ora sy sasany maraina. |
|
 |
|
| Ireo
mpiraifaribolana tao Ambatolampy moa no nikarakara ny fihaonana. Nisy
ny famelabelaran-kevitra nataon'i Ranoe tamin'ireo mpianatra izay
mifototra amin'ny literatiora amin'ny ankapobeny, nelanelanin'ny antsa
tononkalo nataon'ireo pôeta mpiraifaribolana. |
|
 |
|
| Ny fanontaniana
narahim-baliny avy amin'ny mpianatra, fampirantiana ireo boky
navoakan'ny FS Ambatolampy sy navoakan'i Leo Eden no namarana ny tapany
maraina. |
|
 |
 |
 |
Tsy
nampoizina ny hafaliana satria tafahaona tampoka teo an-toerana ireo
pôeta vitsivitsy avy amin'ny toeran-kafa ka niova ho lanonan'ny
Faribolana Sandratra ny fotoana tao aorian'ny velakevitra.
Niara-nikorana sy nifampizara aingam-panahy ireo pôeta tsy nantsoina
nasesiky ny kanto. Tazana tao ry Santatra
Ramarozaka (FS Anjeva Gara), Ny
Iraka Rambolamanana (FS Antananarivo), Faniry Ezeckiel
(FS Antsirabe) sy izay tsy voatanisa, niampy ireo FS Ambatolampy izay
nitoto nahafotsy sy nahandro nahamasaka ny fandraisana. Lafatra na ny
toerana na ny tontolo iainana na ny tafatafa narahina tsiky. Nofaranana
tamin'ny sakafo niraisana sy dinidinika ny fotoana. |
 |
|
Tsy azo ihodivirana intsony fa mamirapiratra ny literatiora malagasy ankehitriny, velona ny soratra sy ny teny ary hanana ny hoaviny manerana ny nosy. ____________________________ Tatitra sy sary : Faniry Ezeckiel Takelaka : Toetra Ràja |
|
|
©
Pôetawebs
|
Date de dernière mise à jour : 19/03/2021
